LAOAG CITY – Inbatad ni Ms. Amelia Galvez, ti mangidadaulo Department of Trade and Industry ditoy ciudad ti Laoag a matulungan ni Mrs. Carmen Barroga, residente iti Barangay Tabud iti ciudad ti Batac kalpasan a maipagarop a ginundawayan dagiti aglaklako ti appliances iti dakkel a mall iti ili ti San Nicolas.
Daytoy ket babaen ti kinatao dagiti naglako ken ni Barroga babaen ti panangkita da ti nagan a naikabil iti resibo nga iggem na ken no adda ti cellphone number a naikabil a mabalin da a tawagan.
Kuna ni Galvez nga idanun da ti reklamo iti customer complaint desk ti Department of Trade and Industry.
Inpetteng ni Galvez nga adon dagiti kastoy a reklamo wenno napasamak ditoy probinsya gapu ta adda dagiti agrenta kadagiti mall no sadinno a modus dan ti manglimlimo kadagit customers da tapno gumatang kadagiti produkto da gapu ta ado dagiti ipaay da a freebies.
Inlawlawag na pay a ti ar-aramiden da ket mapan da agsursor kadagiti mall no sadinno a no adda dagiti makita da a kastoy ti ar-aramiden na ket kasarita da dagitoy ken no adda ti reklamo dagiti customers da ket ikkan da dagiti aglaklako ti notice of violation.
Gapu iti daytoy, inbatad ni Galvez a tapno maliklikan ti possible a pannakaallilaw ket liklikan dagiti agididiaya ti nagduduma a produkto nga agididiaya ti ado a freebies.
Immuna iti daytoy, nagkiddaw ti tulong ditoy Bombo Radyo Laoag ni Mrs. Barroga, kalpasan a nakagatang ti nagduduma nga appliances iti dakkel a mall babaen ti panangusar na ti credit card na no sadinno nga agbalor amin ti nasurok a 52 a ribo a pisos.
