LAOAG CITY – Kasapulan ti Department of Trade and Industry (DTI) ti P2 bilyon a pundo tapno tulungan dagiti negosio a naapektaran ti Bagyo Kristine.
Segun ken ni Trade Secretary Cristina Roque a pagsasaritaanda ita a lawas no masapol pay ti kanayonan a pundo para iti “enterprise rehabilitation fund.”
Inbatadna a kadagiti interesado a negosiante ken entrepreneurs ket mabalin nga ag-avail ti ponding daytoy agingga inton Disiembre 31, 2024.
Iti datos idi 2020 manipud iti Philippine Statistics Authority, 99.51 percent kadagiti amin a negosio ditoy Pilipinas ket MSMEs nga agserserbi a backbone ti ekonomia ti pagilian.
Inrakurak ti mangidadaulo ti Department of Trade and Industry a ti loan facility ket addaan ti zero interest iti umuna a tawen ken maaddaan laeng ti 1% interest kadagiti sumaruno a tawen.
Naammoan nga awan ti principal payment wenno collateral a masapol para kadagiti naapektaran ti bagyo nga agkalikagum nga ag-avail ti loan.
