LAOAG CITY – Binisita dagiti kameng ti Consumer Protection Division-Department of Trade and industry kadua da ti Local Price Coordinating Council ti Nueva Era dagiti 20 nga estabishimento ditoy probinsia.
Segun kenni Mr. Dominador Alberto, officer-in-charge ti Consumer Protection Division, ti nasao nga addang ket tapnu maamuan da no masursurot ti Business Name Law, Price Tag Law, Product standard Law ken Tobacco Regulation Act kadagiti sumagmamano a pasdek negosyo.
Kuna na a sumursurot met amin dagiti maseknan kadagiti agdama nga linteg ti panagnegosyo agraman ti prevailing price.
Nupay kasya, naripar da laeng dagiti sumagmamano a produkto a ngimmato ti presyo a saan a maibilang kas basic and prime commodities ken dagiti produkto a saan a maikan ti Suggested Retail Price wenno SRP.
Innayon na a saan a popular iti publiko dagiti brand ti produkto nga awanan ti Suggested Retail Price.
