LAOAG CITY – Nagpalagip ti Department of Trades and Industry, babaen ken ni Consumer Protection Head Mr. Dominador Alberto a kasapulan ti pannakaibaro ti accreditation dagiti repair shop ken services.
Kinunana a kaspolan a nakarehistro dagiti nagduduma a services ken repair shops sakbay nga agngudo ti bulan ti Enero.
Innayonna a tinawen a maisaysayangkat ti nasao a programa iti bulan ti Enero ken ag-expire ti validity iti maudi nga aldaw ti Disiembre.
Inbatadna a nu saan dagitoy a makaparehistro wenno makapabaro ti accreditation agingga Enero 31 ita tawen ket mapatawan dagitoy ti pannusa.
Manayonan ti 5% iti bayadan da, ken nu bilang man a saan da a pulos a makaparehistro iti intero a tawen ket dakdakkel ti agbalin a pannusada.
Kabayatanna, ti nadakamat a programa ket mangipaay ti proteksion nangruna kadagiti consumers.
