LAOAG CITY – Pinaigetan pay ti Department of Trade and Industry dagiti addang tapno labanan dagiti price manipulators ken protektaran dagiti consumers iti baet ti pangta ti La Niña phenomenon.
Nakitinnulong ti Department of Trade and Industry iti Department of the Interior and Local Government tapno i- reactivate ti Local Price Coordinating Councils nag isu ti crucial partner ti Department of Trade and Industry iti price monitoring initiatives-da.
Napalagipan dagiti Pilipino nga otomatiko nga ipatungpalen ti price control kadagiti lugar a naapektaran ti kalamidad ken naipan iti state of calamity gapu iti La Niña.
Nagballaag ni Department of Trade and Industry Secretary Alfredo Pascual kadagiti negosiante a mapaggundaway ken karaman iti illegal price manipulation, sigurado a mapagsungbatda iti linteg.
Ti umuna a koordinasion ti Department of Trade and Industry, Department of National Defense, Department of Agriculture ken Department of the Interior and Local Government ket gagem a maipasigurado nga agtalinaed ti presio dagiti kangrunaan a magatgatang.
Ti pannakikammayet dagiti nasao nga ahensia ket pammaneknek iti unified approach ti gobierno tapno ipangpangruna ti interes ti publiko kontra kadagit managgundaway.
