LAOAG CITY – Balligi a nadepensaan ni Dricus Du Plessis ti UFC middleweigth world title-na.
Daytoy ket kalpasan ti fourth-round submission ni ex-champion Israel Adesanya iti main event ti UFC 305.
Iti umuna a round, naggiddan a nangiparuk-at ti danog ken kugtar dagiti dua.
Apaman a nakadanonda iti maikadua a round ket nakairekord ti takedown ni Du Plessis ken ginandatna nga i-choke ni Adensaya ngem nakalibas daytoy.
Gapu iti panagballigi, addaanen ti 22 a panangabak ken dua a pannakaabak ni Du Plessis idinto ni Adensanya ket addaan ti 24 a panangabak ken uppat a pannakaabak.
