LAOAG CITY – Inbatad ni Dr. Loida Valenzuela, ti provincial veterinarian ditoy Ilocos Norte nga adda ti dua a baboy iti Brgy. Elizabeth iti ili ti Marcos ti naalan ti sample tapno madeterminar nu positibo wenno saan iti African Swine Fever (ASF)
Daytoy ket kalpasan nga adda dagiti naawatda a report mainaig iti maipagarup a pannakatay ken pannakaikali ti sumagmamano a baboy iti nasao nga ili.
Segun ken ni Valenzuela, manamnama a maamoan ti resulta ti test dagiti baboy ita nga aldaw.
Immuna iti daytoy, kuna na a saan pay a masisinuo ti bilang dagiti natay a baboy iti barangay Elizabeth ken mangnamnama nga awan ti nakaptan ti ASF.
Kabayatanna, nagpanawan ti provincial veterinarian kadagiti agtartaraken ti baboy a dagus nga ireport iti opisinada nu bilang adda ti kellaat a matay a dingwen.
