LAOAG CITY – Nakumpiskar dagiti otoridad ti dua a bala ti calibre 45 babaen ti naiwayat a Search Operation iti Barangay 20, Paratong iti ili ti Paoay.
Nabigbig ti subject a ni Eric Menor y Acuña, agtawen ti 54, STL collector ken residente iti nasao met laeng a barangay.
Ti Search Warrant ket inparuk-at ni Hon. Maria Corazon Labrador, Executive Judge, Branch 18 iti First Judicial Region iti siudad ti Batac.
Naammoan nga awan ti suspek idi naiwayat ti Search Operation.
Mainaig iti daytoy, indauloan ni P/Capt. Jackson Sugayen, Hepe ti Paoay Municipal Police Station iti naiwayat nga operasion no sadinno a kinabinnuligda ti PDEU-INPPO, PIU INPPO-SWAT Team, Canine-Unit INPPO, 101st RMFB1, RIU1, RID1 ken Maritime Group.
Kabayatanna, nagusar dagiti otoridad ti Body Worn Camera ken Alternative Recording Device kabayatan ti pannakaiwayat ti Search Operation.
