LAOAG CITY – Kinumpirmaran ni Mrs. Clarita Taculog iti Purok 6, Barangay 37, Calayab ditoy ciudad ti Laoag nga agbubuteng da kalpasan nga adda ti timmama a naiwawa a bala ti paltog iti balay da.
Iti eksklusibo nga interview ti Bombo Radyo Laoag ken ni Taculog, inpagarop da nga adda ti nagbakal iti balay ngem idi mapan da kitaen ket nalsok ti screen ti tawa da ken adda ti nakita da a buli iti arwangan ti maysa a kwarto da
Kabayatanna, kinumpirmaran ni Mr. Elmer Ramento iti nadakamat met laeng a barangay a sakbay ti napasamak iti balay da Mrs. Clarita Taculog ket immuna nga adda ti nagdisso a bala ti paltog iti balay ti katugangan na a ni Monico Labis.
Kuna a simmalpot ti bala iti galba ti balay da Labis a nakatamaan ti banyera iti bombada.
Inpakaammo pay ni Ramento a kalpasan ti dua nga oras ket adda ti nagdisso a bala ti paltog iti dap-ayan a pagtutugawan dagiti sumagmamano a barito.
