LAOAG CITY – Addan ti dua a barangay nga apektado ti African Swine Fever (ASF) iti ili ti Banna partikular ti Barangay Crispina ken Barangay Valdez.
Segun kenni Mr. Alan Palaspas, Municipal Agriculturist iti lokal a gobierno ti Banna, rinugyan dan ti nagikali kadagiti naisakripisyo a baboy.
Kunana nga iti Barangay Crispina ket umabot iti 220 a baboy ti naisakripsyo idinto nga iti Barangay Valdez ket 424 a baboy ti apektado.
Inlawlawag na nga ituloy da ita nga aldaw ti pannakaikali dagiti baboy gapo ta saan da a nalpas idi kalman gapo iti panagtudo ken ado ti kumikom ti Municipal Agriculture Office ken MDRRMO.
Inbatad na a basar iti historical analysis na iti Barangay Valdez, mabalin nga adda ti nagiserrek ti karne ti baboy wenno ti irigasyon a pagal-alaan ti danom a pagpadigus ti baboy manipud iti ili ti Nueva Era nga ummunan a nakaduktalan ti ASF a kabangibang na laeng a lugar.
Kinumpirmaran met ni Palaspas a ti ili ti Banna ket maibilangen a red zone.
