Naimaldit ti dua baro a kaso ti covid-19 ditoy probinsya.
Daytoy ket basar iti Public Advisory No. 118 ti Mariano Marcos Memorial Hospital and Medical Center (MMMH&MC) iti siudad ti Batac.
Nailanad iti nasao nga advisory nga ita nga aldaw, Hulyo 3 ket naka-admit ken naka-isolate ti dua a pasyente a positibo iti covid-19.
Dagitoy ket agpada nga asymptomatic, adda iti stable a kundisyon, ken naggapoda iti National Capital Region (NCR).
Kabayatanna, adda ti innem a pasyente ken maysa nga hospital staff a nakapulapol dagiti baro a kaso ti covid-19 ti naka-isolate iti nasao nga ospital ken maiyur-uray ti resulta ti swab test da.
Mainaig iti daytoy, inpakaamo ti ospital a dagiti dua a suspect case a na-admit idi Hulyo 2 ket negetibo da iti covid-19.
