LAOAG CITY – Nakaimaldit manen ti probinsya ti dua a baro a kaso ti covid-19.
Iti inparuk-at nga statement no Gov. Matthew Marcos Manotoc, ni IN-C55 ket babai nga agtawen ti uppat, residente iti Barangay 9 iti ili ti Sarrat, awan ti travel history na ken ti kangrunaan nga exposure na ket ni IN-C45.
Ni met IN-C56 ket lalaki nga agtawen ti 25, residente iti Barangay 8 iti nadakamat met laeng nga ili, awanan ti travel history ken ni met laeng IN-C45 ti exposure na.
Naka-isolate metten dagitoy ken aysmptomatic wenno awan ti marikrikna da a sintomas iti virus.
Iti agdama, ket addaanen ti probinsya ti 22 nga active cases iti covid-19 no sadinno ket 21 iti ili ti Sarrat ken maysa ditoy ciudad ti Laoag.
Kabayatanna, inlawlawag ni Barangay Chairman Ernesto Bumanglag iti Barangay 8 iti ili ti Sarrat no kasano a nakapulapol ni IN-C56 ni IN-C45.
Segun kenni Bumanglag, idi napan nagideliver ti feeds ni In-C45 ket ni IN-C56 ti nangawat iti sako ti nasao a produkto.
Inbatad pay ni Bumanglag a dimmalan metten iti swab test dagiti nakapulapol ni IN-C45 no sadinno a ti naudi ket dagiti innem nga indibidwal.
Kunana a kadagiti innem ket karaman ditoy ni IN-C56 ken isu laeng ti nagpositibo.
Mainaig iti daytoy, kunana ni Bumanglag a saan unay a rumrumwar ni IN-C56 isut gapo na a saan na a ninamanama nga agpositibo iti covid-19.
Kabayatanna, inpasigurado ni Bumanglag a paigetan da pay ti panagbantay da kangrunaan ita a panawen.
