LAOAG CITY – Naimaldit ti dua a baro a kaso ti COVID-19 iti siudad ti Batac idi kalman.
Segun iti gobyerno probinsyal, isuda IN-C130, babai, agtawen ti 28, LSI a naggapu iti Cavite ken residente iti Brgy. San Pedro iti nasao a siudad kenni IN-C131, lalaki, agtawen ti 27, LSI manipud iti Caloocan City, ken residente iti Brgy. Tabug iti nasao a siudad.
Basar iti report, agpada nga asymptomatic ken nakaisolate dagitoy.
Nakapulapol ni IN-C130 ti baket a ni IN-C129 a kabarangayan na idinto a ni IN-C131 ket saan a madeterminar no siasinno ti nakaakar kenkuana iti virus.
Iti agdama, umaboten iti 131 ti kaso ti COVID-19, 124 ti recoveries, innem dagiti active case ken nagtalinaed a maysa ti pimmusay.
