LAOAG CITY – Balligi a natiliw dagiti dua a lallaki ken maysa a babai a senior citizen gapo iti iligal a panagsusugal da iti Barangay Paltit iti ili ti Badoc.
Dagiti natiliw ket maysa nga agtawen ti 27, agtawen ti 26, agpada a construction worker ken ti babai nga agtawen ti 61, naasawaan ken gpapada a residente iti nadakamat a barangay.
Segun kenni Police Major Joseph Tayaban, ti chief of police ti Philippine National Police iti ili ti Badoc, nakaawat da ti report nga adda ti agsusugal iti nasao a barangay rason a dagus da a nagresponde ken ditoy a naaktoan a mismo dagiti otoridad dagiti suspek nga agay-ayam ti tong-its.
Nakumpiskar iti nasao nga insidente baraha, tugaw, lamisaan ken 3706 a pisos a pusta.
Iti agdama, maisagsaganan ti kaso a panaglabsing iti PD 1602 kontra kadagiti suspek bayat a nagtalinaed iti kustudiyar ti pulisya.
