LAOAG CITY – Addan ti dua a Pyrotechnic devices wenno Boga a nakumpiskar ti Philippine National Police iti ili ti Paoay sipud rinugyan da ti kampanya da kontra kadagiti illegal a Pyrotechnic idi Nobyembre ita a tawen.
Daytoy ti inbatad ni Police Capt. Sygman Benigno, ti chief of police iti nasao nga ili.
Segun ken ni Benigno, dagiti nakumpiskar da a dua a boga ket aggapo iti Barangay Salbang iti ili ti Paoay.
Kuna na a dagiti nakaalan da iti dua a boga ket ti agtawen ti walo ken agtawen ti 10 a residente iti nadakamat a barangay.
Innayon na a mismo metlaeng a dagiti dua a menor de edad ti nagaramid kadagiti nakumpiskar da a boga.
