LAOAG CITY – Dua a Briton ti nakagun-od ti Guinness World Record para iti kadakkelan a donasion ti buok iti pakasaritaan a gagem a makatulong kadagiti ubbing nga agsagsagaba ti kanser.
Ni Ruth Tripp, agtawen ti 38 ket nakagun-od ti record para iti kaatiddogan a donasion ti buok ti maysa a babai kalpasan a nakaipaay ti 5 feet and 7 inches ti buok iti The Little Princess Trust idi Septiembre 2024.
Kabayatanna, ni Jack Drever, agtawen ti 37 ti nakagun-od ti kaatiddogan a donasion ti buok ti maysa a lalaki kalpasan a nakaipaay isuna ti 2 feet and 11 inches ti buok iti kapada nga organisasion idi Disiembre.
Naammoan a ti The Little Princess Trust ket maysa a charity nga agar-aramid ti wig manipud iti donasion a buok para kadagiti ubbing a dumaldalan iti chemo therapy.
