LAOAG CITY – Inbatad ni Mr. Paul Versosa, mangidadaulo ti Bureau of Immigration and Deportation a plano da nga ibyahe dagiti dua a chinese national a naikustodyar iti PNP Laoag ita nga aldaw.
Nabigbig dagitoy a da Jun Yuan, 22 ken ni Zhiying Lioa, 21.
Segun kenkuana, inaprobaranen ni BID Commissioner Jaime Morente ti kiddaw ni Pol. Lt. Col Amador Quiocho, chief of police ti PNP-Laoag a maiturn-over iti BID dagiti maseknan gapu ta awan ti budget a maipaay kadakuada bayat a nakabalod dagitoy.
Naamoan a documented ngem overstaying ti maysa kadagiti dua a chinese national idinto nga undocumented iti maysa.
Kunana a magna iti deportation proceedings dagiti dua kalpasan ti commitment order Iti Bureau of Immigration Detention Center.
Mainaig iti daytoy, naipakaamo ti Chinese Embassy ti immigration violations dagiti dua.
Maipalagip a naarestar dagiti dua a chinese national gapu ta intarayan da ti nagluganan da a taxi manipod Manila nga agturong idiay Cagayan.
