LAOAG CITY – Nagballigi dagiti kameng ti Philippine National Police a nangtiliw iti dua a construction worker iti naisayangkat nga anti-illegal drug buy-bust operation iti Barangay 54-B, Camanggaan ditoy ciudad ti Laoag.
Nabigbig dagiti suspek nga agtawen ti 44, awanan ti asawa ken residente iti Brgy. 11, Sta. Balbina ditoy ciudad ken ti agtawen ti 40, awanan ti asawa ken residente met iti Brgy. 10, San Jose ditoy ciudad.
Segun ken ni Police Lt. Col. Ryan Retotar, ti chief of police ditoy ciudad ti Laoag, umabot amin iti 3.5 grams a maatap a shabu ti nakumpiskar manipod kadagiti suspek ken mapatta-patta nga agbalor dagitoy ti P37, 400 a pisos.
Inpakaammo ni Retotar a dagiti suspek ket maibilang kas
street level individual.
Iti agdama, nagtalinaed dagiti suspek iti Philippine National Police ditoy ciudad ti Laoag kabayatan a maisagsaganan ti kaso a panaglabsing ti Republic Act 9165 wenno Comprehensive Dangerous Drugs Act of 2002 a maipila kontra kadakuada.
