LAOAG CITY – Nagtalinaed a naulimek ti akintaraken ti walang nga aso a nadungpar ti motorsiklo a nagluganan ti dua a construction workers iti Batac-Banna road iti Barangay San Mateo iti ciudad ti Batac.
Daytoy ti inbatad ni Police Lt. Col. Adrian L. Gayuchan, ti Officer-In-Charge iti PNP iti ciudad ti Batac.
Segun ken ni Gayuchan, agpapan ita ket awan pay ti napan nagpabigbig nga akintaraken ti aso a pimmusay kalpasan a nadungpar ti motorsiklo.
Immun-unan a naireport a natukkol ti akin-kannigid a saka ti maysa a construction worker idinto a nagsagaba ti ado a sugat iti nagduduma a paset ti bagi ti lubbon na kalpasan ti insidente.
Inpakaammo ni Gayuchan a basar iti imbestigasyon da ket napasamak ti desgrasya kabayatan ti panagpapalaud dagiti biktima a nakalugan iti motorsiklo no sadinno nga iti panag-overtake da ket kellaat a limmasat ti aso.
Mainaig iti daytoy, inbatad ni Gayuchan a kasarita danto manen dagiti kakapitan iti intero a ciudad ti Batac tapno pagsasaritaan da ti ordinansa iti ciudad seknan iti maipataw a pannusa kontra kadagiti akin-taraken kadagiti walang nga aso.
