LAOAG CITY – Dua a dati nga NPA members dagiti boluntaryo a simmuko kadagiti otoridad.
Daytoy ti inpakaammo ti PLt. Col. Roger Digmayo, ti pannakangiwat ti INNPO.
Binigbig ni Digmayo dagiti simmuko a da Ka Rino ken Ka Greg.
Inbatad na a ni Ka Rino ket simmuko iti 2nd Provincial Mobile Force Company (PMFC) pakairamanan ti ikot daytoy a paltog nga spring field garand rifle ken addaan ti 15 a bala.
Kabayatanna, ni Ka Greg ket simmuko iti provincial intelligence unit ti INNPO ken daytoy ket dati a miembo ti communist terrorist group wenno ti Kilusang Larang Guerilla ken agdama a miembro ti Alyansa dagiti Mannalon iti Ilocos Norte.
Kuna ni Digmayo a karaman nga insuko ni Ka Greg ti paltog na a caliber 9mm submachine gun ken addaan ti walo a bala.
Naamoan a ni Ka Rino ket tubo iti probinsya ti Cagayan ngem agdama nga agnanaed ili ti Marcos idinto a ni Ka Greg ket tubo iti Sto. Domingo Ilocos Sur ngem agnanaed iti ili ti Badoc.
Mainaig iti daytoy, kuna ni Digmayo nga agtultuloy ti panagawat ti INNPO kadagiti rebelde nga agkalikagum nga agsubli iti sidong ti gobierno.
Innayun na nga adda ti maipaay a tulong kadagitoy kas iti pangkabuhayan.
