LAOAG CITY – Nagballaag ni PLt. Col. Roger Digmayo, ti pannakangiwat ti INPPO kadagiti grupo nga aglaklako ti iligal a paltog ditoy probinsya.
Daytoy ket kalpasan ti balligi a pannakatiliw dagiti dua nga indibidual iti naiyuswat a gun buy bust operation iti Brgy. 2 ditoy siudad ti Laoag.
Nabigbig dagiti suspek nga isuda Albert Balbas, agtawen ti 58, naasawaan, residente iti Brgy. 23 ditoy siudad kenni Leo Ortega Tumang, agtawen ti 47, residente iti batasan hills, Quezon City, driver ken agpada dagitoy a dati nga NBI agent.
Nakumpiskar manipod kadagiti suspek ti dua a unit ti bushmaster cal 223-5.56mm pakairamanan ti dua a plastic ti magazines ken 40 a pedaso ti bala para iti cal 5.56.
Immuna iti daytoy, kuna ni PMaj. Romnick Subia, ti mangidadaulo ti CIDG ditoy probinsya a basar iti naun-uneg a panagimbestigarda ket maipagarup a politiko dagiti kangrunaan a katransaksyon dagiti suspek.
Inbatad na a naawat da ti report seknan iti iligal a panaglako ti paltog dagiti suspek idi Oktubre itay napan a tawen.
Innayun na a dagiti nakumpiskar nga armas ket maipagarup a naggapo iti Metro Manila.
Manamnama a mapilaan dagiti dua a suspek iti kaso a usurpation of an officer iti Omnibus Election Code ken RA 10591 wenno ti llegal Possession of Firearms and Ammunitions.
