LAOAG CITY – Kinumpirmaran ni Police Lt. Roi Manuel Ordonio, hepe ti PNP Pasuquin, a naisadsad dagiti dua a dolphin iti igid ti baybay a sakop ti Brgy. Caruan iti nasao nga ili.
Kuna na nga agdagsen iti nasurok 50 a kilo iti tunggal dolphin.
Segun kenni Ordonio, nakikoordinar da iti Municipal Agriculture ken iti BFAR mainaig iti nasao nga insidente.
Inbatad na a naitabonen dagiti dolphin kalpasan a nabirokan dagiti residente iti nasao a barangay.
Basar iti ladawan, addaan ti sumagmamano a sugat dagiti dolphin.
