LAOAG CITY – Nagtalinaed iti ospital dagiti tallo a tattao agraman ti menor de edad kalpasan ti aksidente iti national highway iti Brgy. Banban iti ili ti Bangui.
Daytoy ket gapu ta nagsagaba da a sugat iti nagduduma a paset ti bagi da ken ti head injury.
Nabigbig dagiti nasugatan a da Gil Leonel Arzaga y Ignacio, agatwen ti 60, naasawaan driver ti motorsiklo ken nakalubbon ti agtawen ti 10 a babai agpada a residente iti Brgy. Utol, kenni Richard Bagcal y Nicolas, agtawen ti 34, awanan asawa ken residente iti Brgy. Manayon, iti nasao nga ili.
Basar iti pakpakauna nga imbestigasyon ti PNP Bangui, bayat nga agpapaamianan ti motorsiklo nga inturong ni Arzaga idi ta ag-U-turn ket dita nga aksidente a nadungpar ti napaspas a motorsiklo nga inturong ni Bagcal nga agpaamianan mt a direksiyon.
Gapu iti daytoy, dagus a naitaray dagiti tallo iti Bangui District Hospital ken naiyakar da iti Gov. Roque Ablan Sr. Memorial Hospital ditoy siudad ti Laoag para ti pannakaagas da.
Naipakustudyar dagiti dua a motorsiklo iti PNP para iti naan-anay a disposisyon dagitoy.
Mainaig iti daytoy, kinumpirmaran ni Police Cpl. Jonathan Balagat, imbestigador ti PNP Bangui a naopera ti buksit ni Richard Bagcal y Nicolas, agtawen ti 34, awanan asawa ken residente iti Brgy. Manayon iti nasao nga ili.
Daytoy ket
kalpasan ti napasamak nga aksidente iti Brgy. Banban iti nasao nga
ili a nakasugatan dagiti tallo a tattao agraman ti magtawen ti 10 a
babai a nakalubbon iti motorsiklo ken naitaray da iti Gov. Roque
Ablan Sr. Memorial Hospital ditoy siudad ti Laoag.
Kuna ni Balagat a nasemento met ti akin kannawan nga ima ti agtawen ti 10 a babai gapu ti nakana a sugat a sinagaba na idinto a ti lolo na a ni Gil Leonel Arzaga y Ignacio, agatwen ti 60, naasawaan driver ti motorsiklo ken residente iti Brgy. Manayon iti nasao nga ili.
Innayon na nga awan ti helmet dagiti masekan bayat a nakalugan da ti motorsiklo.
Manamnama ti panagsasarita dagiti maseknan mainaig ti napasamak nga aksidente.
