Napalusposanen dagiti dua a driver ti dumptruck a nagkarga iti batbato manipod iti Bislak River.
Daytoy ket kalpasan nga inapprehend dagiti kameng ti PNP ken Provincial Quarry Council dagiti nadakamat a dumptruck gapu iti kinaawan a delivery receipt dagiti naikarga a bato.
Segun kenni P/Maj. Joseph Baltazar iti Hepe ti nasao a pulisya, nabigbig iti driver ti Isuzu forward dumptruck a ni Aurelio Tungpalan Jr. a residente iti Brgy. 40 Buyon iti ili a Bacarra kalpasan a nagkarga daytoy iti 6 cubic meters a bato idinto a ti driver ti Isuzu mini dumtruck a ni Jay Agbayani a residente iti Brgy. 5 San Ramon iti ili ti Vintar ket nagkarga pay iti 3 cubic meters a bato.
Inbatad ni Baltazar a napan nagquarry dagiti dua a driver iti paset ti Brgy. Salsalamagui iti nasao nga ili nga asideg iti dam.
Maipagarup nga up-upaan ni Brgy. Chairman Noli Tunac iti Brgy. 5 iti nasao nga ili dagiti nadakamat a dumptruck.
