LAOAG CITY – Nasugsugatan dagiti dua a driver ti motorsiklo kalpasan a nagdinnungpar dagitoy iti paset ti Brgy. Napu, Badoc, Ilocos Norte .
Basar iti PNP-Badoc, karaman kadagiti desgrasya ket maysa a Kawasaki Fury 125 Motorcycle nga addaan ti plate number a ZH 8932 nga inturong ti agtawen ti 33, naasawaan, maysa a welder ken residente iti Barangay Barbar iti ili ti Pinili, ken Red Honda Click 150 Motorcycle, awanan ti plate number ken inturong ti agtawen ti 53, naasawaan, negosyante ken residente iti Brgy. Garreta, Badoc.
Iti imbestigasyon dagiti otoridad, agpaabgatan a direksyon ti Fury 125 motorcycle idi nakadinnungpar na ti kasinnabet na a motorsiklo.
Gapo iti daytoy, nagsagaba ti sugat ti sugat dagiti dua a driver ti motorsiklo ken naitaray da iti Karmeli Clinic and Hospital iti ili ti Pinili ngem naiyakar da iti Mariano Marcos Memorial Hospital and Medical Center iti ciudad ti Batac.
