LAOAG CITY – Inpakaammo ni Atty. Charito Malicad, information officer iti Laoag City Hall a a maipagarup a nahacked dagiti dua nga account ni Mayor Michale Marcos Keon.
Daytoy ket iti pribado nga account ken iti pampubliko nga account daytoy.
Segun kenni Atty. Malicad, saan a makalog-in ti mayor kadagiti nasao nga account iti Facebook.
Inbunannag na a dagus nga inreport da daytoy iti mismo a facebook idinto ti pammasingked ti nasao a platform a kitaen da a naimbag ti nasao a problema.
Maipalagip a sumagmamanon nga indibidual ti nabiktima ti pannakahack ti facebook account ken pannakascam dagitoy no sadinno nga adda dagiti karaman pay a kuarta a nadaw-dawat ti saan pay a nabigbig a hacker.
