LAOAG CITY – Nakastreken iti Paris Olympics ti dua nga atleta a Pilipino, no sadinno nga umaboten iti 22 dagiti atleta a mangipresentar iti Pilipinas.
Dagiti naudi a naimaldit ti nagan na nga Olympic qualifiers ket da Lauren Hoffman ken John Cabang Tolentino.
Ni Tolentino ket na-kwalipikar para iti 110 meter hurdles event, no sadinno nga iggem na ti national record a 13.37 seconds.
Bayat a ni Hoffman ket na-kwalipikar para iti 400 meter hurdles event, ken iggemna met ti record a 55.72 seconds.
Iti agdama, dagiti tallo a Pilipino a makilaban iti Paris Olympics athletics event ket da Hoffman, Tolentino, ken ti World’s No2 – EJ Obiena.
Kabayatanna, naka-iskedyul ti opening ceremony ti Paris Olympics inton Hulio 26.
