LAOAG CITY – Addan iti kustodyar ti Immigration agency ti Indonesia ti dua a kakadwa ni dismissed Bamban, Tarlac Mayor Alice Guo.
Daytoy ti inbatad ni Department of Interior and Local Government Secretary Benhur Abalos Jr. basar iti naawat na a report manipod ken ni Philippine National Police Chief (PNP) Police Gen. Rommel Francisco Marbil.
Kunana a ginandat da Cassandra Li Ong ken Shiela Guo ti rumuar iti Indonesia idi nasaed dagiti Indonesian authorities.
Ni Cassandra Li Ong ket maikonkonektar ken ni Guo ken iti Philippine Offshore Gaming Operations a Lucky South 99.
