LAOAG CITY – Simmuko iti PNP Laoag da Antonio Ventura y Dumlao, agtawen ti 58, ken Carlo Mark Villa y Corpuz, agtawen ti 31, agpada a naasawaan, agpada a mannalon ken agpada a residente iti Brgy. 57 Pila ditoy siudad ti Laoag.
Daytoy ket kalpasan a naamuan da a nairaman ti nagan da iti watchlist dagiti drug personality iti nasao a kuerpo ti pulisya.
Immuna iti daytoy, insayangkat dagiti kameng ti PNP Laoag ti Oplan Allokoy rason a nakumbinsir da dagiti maseknan a boluntaryo a sumuko.
