LAOAG CITY – Kinumpirmaran ni PMaj. Rommel Ramos, deputy Chief of Police iti PNP Laoag nga adda napasamak ti dua a kaso ti panagtatakaw ditoy siuda ti Laoag.
Segun ken ni Ramos, ti umuna ket pakaibilangan dagiti dua a babbai a nagtakaw iti badbado iti maysa a dakkel a pasdek negosyo.
Kuna na a dagitoy ket dua a babbai a residente iti Capaz, Tarlac ken La Trinidad Benguet
Inbatad na a posible a miembro dagitoy ti sindikato a grupo ken dati nga agar-aramat iti panagtatakaw iti nagduduma a lugar.
Kuna na a maipagarup nga pinukaw da ti atensyon dagiti sales lady tapno makailibas kadagiti dry good wenno badbado nga innala da.
Nakumpiskar kadagiti dua suspek ti agdagup ti nasurok uppat a ribo a pisos a a badbado a nakaipan iti bag da.
Kabayatanna, inpakaamo ni PMaj. Rommel Ramos a qualified theft ti inaramat ti maysa a cashier/encoder iti paglakoan ti motorsiklo ditoy siudad ti Laoag.
Segun kenkuana, naamoan ti kompanya a mapukpukaw ti kwarta a nasurok 670 a ribo a pisos idi naiyuswat ti spot audit nu sadino a saan a simrek ti suspek iti dayta nga aldaw.
Mainaig iti daytoy, kuna na a desidido ti nagireklamo a mangipila ti kaso kontra iti suspek.
