LAOAG CITY – Dua a German daredevils ti balligi a nakadalyasat iti slackline a nakasab-it iti nagbaetan ti dua nga hot air balloons nga adda ti kangatona a 8,202 a kadapan a nangipaay kadakuada ti baro a Guinness World Record para iti kangatoan nga slackline walk.
Inaramid da Friedi Kühne ken Lukas Irmler ti makapatengngel-anges iti panagpagna iti tangatang iti rabaw ti Riedering, Germany.
Iti panagballigida, naartapanda ti dati a rekord a 6,236 a kadapan a nairekord idi 2021.
Inbatad ni Irmler nga immuna a bimmallasiw, saan a nagbalin nga alisto ti pannubok.
Simmaruno met ni Kühne iti natured a pakinakem ti pagayamna ngem inadmitirna a nakabutbuteng a buyaen ni Irmler kabayatan a marigrigatan iti slackline.
