LAOAG CITY – Napalto-paltogan ti dua a lallaki a nakalugan ti e-bike iti paset ti Buttong-Darayday Road a paset ti Barangay Buttong ditoy siudad ti Laoag.
Ti biktima ket nakairamanan ti dua a lallaki nga addaan ti umno nga edad a residente ti Barangay Bengcag ditoy siudad ti Laoag.
Segun kadagiti otoridad, dua a lallaki a nakalugan ti motorsiklo ti suspek a nangpaltog kadagiti biktima.
Agpada dagitoy nga agturong iti abagatan a direksion idinto a nag-overtake ti nakamotorsiklo a ditoy a napaltogan dagiti naka-ebike.
Kinunada nga umabot ti innem agingga pito a putok ti paltog ti nangngegda no sadinno a nakitada dagiti biktima nga agtartaray nga agturong iti maysa a pasdek negosio.
Naglemmeng dagiti biktima iti nasao a pasdek negosio ken ditoy a nakaawatda ti firs aid gapu ti sinagabada a sugat.
Ti maysa a biktima ket natamaan ti paset ti Sakana idinto a ti maysa ket nadaplisan iti abagana.
Insigida met a naitaray dagiti biktima ti balay pagagasan para iti naan-anay a pannakatamingda.
Iti agdama, manarimaan ti pannakaisayangkat dagiti kameng ti Philippine National Police (PNP) Laoag ken Scene of the Crime Operatives (SOCO) para iti naun-uneg a pannakaimbestigar ti nasao nga insidente.
