LAOAG CITY – Naarestar dagiti dua a lallaki kalpasan ti naiyuswat a drug buybust operation iti mismo a pagtaegan ti maysa kadagiti subject iti Brgy. Poblacion 4 iti ili ti Pasuquin.
Nabigbig dagiti subject ti operasyon nga isuda Prodencio Tacata, agtawen ti 52 kenni Nomer Faylano, agtawen ti 49 ken agpada dagitoy nga agnanaed iti nasao a barangay.
Ti nasao nga operasyon ket inyuswat dagiti kameng ti PDEA ken Region Drug Enforcemet Unit pakairamanan ti PNP-Pasuquin.
Nakumpiskar dagiti otoridad ti dua nga improvised aluminum foil tooter, maysa nga improvised aluminum foil needle, innem a crampled aluminum foil, maysa nga improvised stick sealer, innem a sachet ti maatap a shabu pakairamanan ti maysa a sachet a nausar iti operasyon, maysa a pack ti plastic sachets, maysa a blue distorted lighter ken tallo a sabsabali pay a lighter.
Kabayatanna, inpetteng ti maysa kadagiti subject a ni Tacata a saan a buybust ti operasyon gapu ta dagus lattan a simrek iti pagtaengan na dagiti otoridad kageddan ti pannakapakleb na ken nakapkapan.
Inbatad na nga adda ti inpabulsa dagiti otoridad a balay ti ancheohos ken atapen na a daytoy ti naglaon ti maatap a shabu agsipod ta awan pay ti inlaklako na kadagiti otoridad.
Mainaig iti daytoy, inadmitir ni Tacata ng agus-usar ti iligal a droga iti linawas ngem inpetteng na nga awan ti ikot na wenno ilaklako na idi naiyuswat ti operasyon.
Naamoan a dagiti subject ti operasyon ket agpada a repeat offender wenno datin a naibalod dagitoy gapu met laeng iti iligal a droga.
Kabayatanna, inpakaammo met ni Agent Harry Cariño, team leader ti PDEA ditoy probinsya a 2022 pay laeng idi nangrugi a masipsiputan dagiti subject ti operasyon partikular ken ni Tacata.
Kuna na a direkta nga aggpo iti NCR ti suplay na ti iligal a droga babaen iti parcels ken maysa kadagiti agiwar-waras iti ili ti Pasuquin ken kabangibang nga ili.
