LAOAG CITY – Natiliw dagiti dua a lalaki iti nagsina nga operasyon nga inyuswat dagiti kameng ti PNP-San Nicolas babaen ti bileg ti warrant of arrest gapu iti kaso da nga estafa.
Nabigbig dagiti suspek a da Galen Tumamao, agtawen ti 33, ken residente iti Brgy 14, San Gregorio, kenni Terrence Carlos Jr., agtawen ti 32, awanan ti asawa, ken residente ti Brgy. 16 iti nasao nga ili.
Ti warrant of arrest kontra kenni Tumamao ket inparuk-at ni Judge Jose Faril Jr, iti Municipal Trial Court idinto a ti warrant of arrest kontra kenni Carlos ket naggapo iti RTC-branch 63 idiay Tarlac City babaen kenni Judge Maria Roma Flor Ortiz.
Nairkomendar ti P12,000 a pisos a pyansa ni Tumamao idinto a 60 a ribo a pisos kenni Carlos para iti temporaryo a pannakaway-waya da.
Kabayatanna, nagtalinaed ti kustudyar ti PNP San Nicolas dagiti nasao a suspek .
