LAOAG CITY – Agselebrar ti paskua iti pagbalodan dagiti dua a lallaki kalpasan a natiliwan nga agvivideoke.
Nabigbig dagtioy a da Jasper Vergara y Mengote, agtawen ti 29, baro, maysa a mannalon ken ni Frederick Vergara, agtawen ti 26, naasawaan ken agpada a residente iti Barangay Pagsanahan Norte iti nasao nga ili.
Segun kenni Police Captain Joseph Tayaban, hepe ti PNP-Badoc, nagresponde da nga agvi-videoke iti nasao a barangay kalpasan ti report ti karruba dagiti suspek a dagitoy ket agkakanta iti videoke bayat ti panaginom da.
Inbatad ni Tayaban a naaktuan da dagiti dua a lallaki nga agkakanta ken agin-inom.
Inlawlawag na a pinagsardeng da dagiti dua iti panagvideoke da ngem intultuloy da latta ti panagkanta da.
Gapo iti daytoy, tiniliw da dagiti suspek ken mapilaan ti kaso nga Alarm and Scandal.
