LAOAG CITY – Nadungpar ti nakamotorsiklo dagiti 2 a tattao bayat ti idadalyasat da iti kalsada iti Brgy. 50 ditoy ciudad ti Laoag.
Nabigbig ti drayber ti motorsiklo a ni Michael Tagalicud, 45, residente iti Brgy San Vicente iti ili ti Sarrat, ken lubbon na ni Sheryl Baldonado, 34, ken residente met laeng ti nasao a lugar.
Segun ti imbestigasyon ti PNP-Laoag, bayat nga agpapalaud a direksyon ti motorsiklo ket dita a kellaat a nadungpar na dagiti dumaldalyasat a dua a lallaki a da Brent John Simpuego, 31, residente iti Brgy 20 iti ili ti Paoay, ken Jefferson Ramos, 34, ken residente idiay San Juan Ilocos Sur.
Dagus a naitaray iti Governor Roque Ablan Senior Memorial Hospital ditoy ciudad ti Laoag dagiti biktima gapu ti pinasar da a sugat iti nagduduma a paset ti bagi da.
