Nasugatan ti dua a lallaki kalpasan a nadesgrasya iti Brgy. 51-A Nangalisan ditoy ciudad ti Laoag.
Nabigbig iti nangiturong ti motorsiklo nga NMAX a ni Jayson Leon, 41, residente ti Brgy. 30 A Suyo ditoy ciudad idinto a ti lubbon na ket ni Alex Andres, 37, residente ti Brgy. Mangato ditoy met laeng ciudad.
Basar iti imbestigasyon ti PNP, agturong dagiti dua iti laud a direksyon ket dita a kellaat a nadungpar da ti landok a barikada.
Naamoan nga adda pay ti kotse a nadungpar da iti asideg ti nasao a barikada.
Nagsagaba ti sugat iti nagduduma a paset ti bagi ni Leon idinto a ti lubbong a ni Andres ket nagsagaba ti head injury.
