LAOAG CITY – Natiliw ti dua a lallaki a nanglabsing ti maipatpatungpal a curfew gapu iti coronavirus iti ili ti San Nicolas.
Daytoy ti kinumpirmaran ni Police Major Joseph Baltazar, ti chief of police iti ili ti San Nicolas.
Binigbig ni Baltazar dagiti natiliw nga isuda Joel Cabel, agtawen ti 2, awanan ti trabaho, residente iti Barangay 3, San Ildefonso ken ni Christoper Asuncion, addaan ti umno a tawen, taga Barangay 5, San Silvestre iti nasao nga ili.
Inbatad ni Baltazar a kabayatan ti isaysayangkat da a checkpoint ket limmabas dagiti dua a nabartek ken idi pagawiden da dagitoy ket insungbat ti maysa a “PATPATYEM TA COVID” idinto a kuna met ti maysa nga awan ti serserbina ti ar-aramiden da a checkpoint isut gapuna a dagiti pulis ti rumbeng na nga agawid.
Gapu iti inaramid da Cabel ken Asuncion ket napilaan da iti panagsalungasing iti Article 151 of the Revised Penal Code wenno ti Resistance and disobedience to a person in authority.
Kabayatanna, immapela manen ni Police Major Baltazar ti kooperasyon dagiti umili iti pannakaipatungpal ti Enhanced Community Quarantine iti intero a Luzon gapu iti Covid-19.
