LAOAG CITY – Inbatad ni Police Capt. King Ramos, ti chief of police iti ili ti Piddig nga adda ti dua a lallaki a tiniliw da gapu iti panagpaspayar da agarop agalas-dyes idi rabii.
Segun kenkuana, natiliw dagiti dua a lallaki iti Control point iti Barangay Cabaroan iti nasao nga ili.
Kuna na a malaksid a nakainom ti nasanger dagiti dua ket maipagarop a pinagsawan da pay ti agkakadakes a sarita dagiti agbanbantay iti checkpoints a barangay tanud.
Inpakaammo ni Ramos nga isagsagana dan dagiti kasapulan a dokumento para iti panangipila da ti reklamo kriminal kontra kadagiti suspek.
