LAOAG CITY – Pimmusay dagiti dua a lallaki kalpasan a nagdinnungpar ti inturong da a motorsiklo ken kurong-kurong iti bisinidad ti Brgy. Baay iti siudad ti Batac.
Nabigbig ti nangiturong ti motrosiklo a ni Reymond Tabulinar y Ensienzo, agtawen ti 38, naasawaan ken residente iti Brgy. Poblacion iti ili ti Currimao idinto a ti nangiturong ti kurong-kurong ket ni Leopoldo Pascua y dela Cruz, agtawen ti 44, naasawaan, contsruction woker ken residente iti Brgy. Baay iti siudad.
Iti inyuswat nga imbestigasyon ti PNP-Batac, Agpapaabagatan a direksyon ti motorsikl idi ta kellaat a nadungpar na ti lumasat a kurong-kurong.
Gapu iti kapigsa ti impact, agpada a naipurwak ti driver ti kurong-kurong ken motorsiklo rason a dagus a pimmusay dagitoy.
Kabayatanna, ti nailubbon iti kurong-kurong ket nasugsugatan ken angalen na ti sakit iti bagbagi.
Saan met a makumpirmaran iti biang ti PNP nu adda iti impluwensya ti nasanger dagiti biktima idi napasamak ti insidente.
