LAOAG CITY – Napingawan ti dua a lapayag ti maysa a masikog a kalding iti Barangay Pagsanjan iti ili ti Badoc a nangitunda ti panaganak na a dinapay koma oras.
Inbatad ti agtagikua iti kalding a ni Mrs. Teresita Cainguitan a kaanakan na metlaeng ti mismo a nangpingaw ti dua a lapayag ti kalding na nga inpataraken na ti kabsat na.
Kuna na a basar iti kaanakan na metlaeng a nakakita iti napasamak, kalpasan a pinadungparan ti suspek ti kalding na ket inlugan na iti tricycle nga inyadayo nga isu ti nangpingawan na ti dua a lapayag na.
Inpetteng ni Cainguitan nga awan ti ammo na a basol da no apay a naaramid daytoy ti kaanakan na isut gapuna nga uray agkiddaw ti pammakawan ket saan da a maawat gapu ta ti kayat da ket sungbatan ti maseknan ti inaramid na.
Inpalgak pay ni Cainguitan a namintallon a daras a nabalud ti kaanakan na a nangpingaw ti dua a lapayag ti kalding na.
