LAOAG CITY – Naarestar ti dua a maipagarop a peke a doktor iti Barangay Davila iti ili ti Pasuquin.
Nabigbig dagiti suspek a da Renie Dantes, 46, ken ni Rosalinda Gabon, 39, agpada nga aglaklako t Herbal Product ken dagitoy ket taga Tarlac.
Segun ti agtawen ti 67 a lakay, nagturong dagiti suspek iti barangay da ken kinasarita da ti presidente da a senior citizens para iti isayangkat da a libre a check-up itay bigat.
Kuna ti saanen a nagpabigbig a lakay, agarop 50 da a senior citizens iti nasao a barangay a napan nagpacheck-up.
Inbatad na a libre ti checkup ngem adda ti ilaklako dagiti suspek nga agas kadakuada.
Nupay kasta, naduktalan a peke a doktor dagiti maseknan babaen kadagiti tall a nurse manipod iti Department of Health (DOH) a naka-assign iti nasao a barangay.
Inlawlawag ti maysa kadagiti nurse a ni Shiela Keith Calapini, nadlaw da a mapagduduwaan ti panagcheckup dagiti suspek isut gapuna nga inturtured da ti napan nagsaludsud kadagitoy.
Kuna ni Calapini a kiniddaw da ti PRC ID dagiti maseknan ket idi inpakita da ditoy a nakumpirmaran da a peke dagitoy gapu ta adda ti sabali a logo a naipan iti nasao nga ID.
Gapu iti daytoy, napanda inreport a dagus ken ni Barangay Chairman Elviro Agoo ket isunan ti nagtawag ti pulis a nagresulta ti pannakaarestar dagiti suspek.
Innayon ni Calapini a naamoan da nga immunan a nagturong dagiti suspek iti Barangay Carusicis ken Pangil, ken iti Ablan ken Paayas iti ili ti Burgos.
Rumrumuar pay nga adda ti maysa a nakagatang kadagiti ilaklako a peke nga agas dagiti suspek a nag-diarrhea.
