LAOAG CITY – Nagsagaba ti sugat ti dua nga indibidual kalpasan a bimtak ti dinamita napidot da a dinamita iti Bolo River iti iti Barangay Quibel iti ili ti Dumalneg.
Nabigbig dagitoy nga isuda Marcelo Agbangog Manuel, agtawen ti 53, awanan ti asawa ken ni Joel Duriquen Cabradilla, agtawen ti 46, naasawaan, agpada dagitoy a mannalon ken residente iti Barangay Poblacion 1 iti ili ti Adams.
Basar iti Philippine National Police iti ili ti Adams, nakaawat da ti report manipod iti personnel ti Philippine National Police iti ili ti Dumalneg mainaig iti napasamak.
Iti imbestigasyon, nagturong dagiti biktima iti nasao a karayan tapno agala ti nateng, partikular ti “pakpako”.
Naamoan nga iti kaadda dagiti dua iti karayan ket nakakita da ti dinamita ken pinidot daytoy ni Manuel, ngem naiggaman na ti fuse na a nangitunda ti panagbettak na.
Naitaray dagiti biktima iti Mariano Marcos Memorial Hospital and Medical Center para iti pannakataming da.
