LAOAG CITY – Addan iti nasayaat a kasasaad dagiti dua a menor de edad a karaman iti desgrasya iti paset ti Barangay Caunayan iti ciudad ti Batac nupay nagtalinaed da pay laeng iti ospital.
Dagiti biktima ket nagsagaba ti sugat ti ulo ken natukkol ti saka.
Segun kenni Police Staff Sergeant Darwin Qiuaoit, maiyuswat to ti panagsasarita dagiti nagannak dagiti dua a menor de edad ken ti driver ti Mitsubishi L300 a ni Mr. Joey Pecpec a taga Barangay Cangrunaan iti met laeng nadakamat a ciudad.
Maipalagip a dagiti menor de edad ket naggapo iti maysa a paggi-inuman ken idi agawid da kuman nadungpar da ti lugan ni Pecpec kalpasan na ket naidungpar da pay ti maysa a concrete pavement.
