LAOAG CITY – Nagdinnungpar ti dua a motorsiklo iti Vintar Road iti Brgy. 54-B Lagui Sail ditoy siudad ti Laoag.
Ti nangiturong ti Honda 100 Model 2008 ket agtawen ti 49 ken residente ti Brgy. 55-B Salet Bulangon ditoy siudad ti Laoag.
Ti nangiturong ti Honda TMX Supremo 155 ket agtawen ti 36 ken residente ti Brgy. 5 iti ili ti Vintar.
Basar iti Laoag City Police Station, kabayatan a dumaldalyasat ti nangiturong ti Honda 100 Model 2008 nga agpa-laud ket nag-left turn a nangitunda ti panagdinnungparda iti nangiturong ti Honda TMX Supremo 155 nga agturong nga agpa-abagatan.
Gapu iti daytoy, nagsagaba ti sugat ti nangiturong ti Honda 100 Model 2008 ngem nagkedked daytoyen nga agpaagas idinto ti nangiturong ti nangiturong ti Honda 100 Model 2008 ken ti kinalubbonna ket agpada a nagsagaba ti sugat iti nagduduma a paset ti bagida a dagus a naitaray iti Governor Roque Ablan Sr. Memorial Hospital para iti naan-anay a pannakatamingda.
