LAOAG CITY – Nagdinnungpar ti dua a motorsiklo iti Barangay 55-B Salet Bulangon ditoy siudad ti Laoag.
Nabigbig ti nangiturong ti motorsiklo a ni Ryan Eric Bueno ken residente ti Barangay 29 ditoy siudad ti Laoag idinto a a nabigbig met ti maysa pay a nakamotorsiklo a ni Edwin Erise.
Basar iti Laoag City Police Station, iti inwayatda nga imbestigasion, kabayatan a dumaldalyasat ni Erise nga agturong nga agpa-abagatan ket kellaat a dimmungpar ni Bueno nga agturong met nga agpa-amianan.
Rumrummuar a basol ni Bueno gapu ta simmabat daytoy iti padana a nakamotorsiklo ken nabartek idi napasamak ti desgrasia.
Naammoan a manamnama ti panagsarita ti dua nga agsinnungbangir a partido ita nga aldaw.
Kabayatanna, addan iti nasayaat a kasasaad Bueno idinto a saan met a naan-ano ti nakadinnungparna.
