LAOAG CITY – Nagdingpar ti dua a motorsiklo iti paset ti Batac Suba Road iti Brgy. Baay iti ciudad ti Batac.
Karaman iti insidente ti maysa a Yamaha Aerox 155 nga inturong ni Edralin Sulicipan, agtawen ti 50, awanan asawa, awanan lisensiaken residente iti Brgy. Baay, Batac ken Rusi 110 nga inturong ni Quirino Juan, agtawen ti 43, naasawaan, security guard ken residente met laeng iti nasau a lugar.
Basar iti imbestigasyon, bayat a agpapalaud a direksyon ni Sulicipan ket kellaat a nag-U Turn ni Juan rason ti panagdinnungpar dagiti dua a motorsiklo.
Gapu iti daytoy, nagsagaba ti sugat iti nagduduma a paset ti bagi ni Sulicipan idinto a nablo ti bullo ti akinkannigid a saka ni Juan.
Agpada a naitaray dagiti dua a motorista iti Mariano Marcos Memorial Hospital and Medical Center iti ciudad ti Batac.
