LAOAG CITY – Natakawan ti dua a pagtaengan ti nakatakawan iti parbangon idi laeng kalman iti Agosto 21 iti Brgy. 54-B Camanggaan ditoy ciudad ti Laoag.
Inbatad ni Ms. Joycelle Resquir, maysa kadagiti natakawan a timawag kenkuana dagiti karrubada a nagbalin met a biktima iti panagtakaw idi laeng kalman iti bigat no sadinno inpakaammoda a natakawanda.
Nupay kasta, saan pay laeng a dagos a naammoan ni Resquir a natakawan met iti pagtaenganda no sadinno naammoanna laeng daytoy idi kalman ti rabii gapu iti panagsapsapolda ti charger nga ususaren ti anakna.
Segun kenkuana, dagiti natakaw ket nagduduma a gadgets, charger ken bag a naglaon ti waya a para tukar.
Kinunana nga adda ti anakda ken aso a matmaturog iti kuarto rason a saanda a nadlaw a nakastrek iti suspek iti pagtaenganda.
Innayonna a saanna a ninamnama a matakawanda gapu ta nalawag met iti lugarda.
Kabayatanna, manarimaan pay laeng nga iyus-uswat ti Philippine National Police ditoy ciudad ti Laoag tapnu maammoan ti kina siasinno ti suspek.
