LAOAG CITY – Panagapa dagiti agassawa ti maysa a puun ti pannakauram dagiti dua a pagtaengan iti Sitio Dariki, Brgy. Davila iti nasao nga ili idi rabii.
Daytoy ti inbatad ni Mr. Eddie Lete, maysa kadagiti nakakita iti insidente sakbay ti uram.
Kuna na a nagkinnamatan dagiti agassawa gapu iti panagapa da.
Segun kenni Lete, bayat iti panagapa da ket nakapungtot ni Mike Angelo Tabigne ken napan nangala ti nakabote ti gasolina ken maipagarup nga inaramat na.
Kumkumpirmaran na pay nga adda iti impluwensya ti nasanger ti suspek.
Mainaig iti daytoy, kinumpirmaran ni Fire Inspector Heinrich Gudoy, municipal fire marshall iti Bureau of Fire Protection iti ili ti Pasuquin a naaramid dagiti dua pagtaengan babaen ti nalaka a mauram a materyales.
Inbatad na a dandanin a dumapo dagiti dua a pagtaengan idi nakadanun da iti nasao a lugar.
Segun kenni Gudoy, nairamraman a nauram ti 76 a ribo a pisos a kuarta manipud iti pagtaengan ni Joan Tadeo ken saan pay a madeterminar ti balur dagiti dua a pagtaengan a nauram.
Kuna ni Gudoy a maipagarup nga insawang ni Mike Angelo Tabigne iti panagkakarag da ken idi ta maipagarup a sinilmutan na ti pagtaengan da.
Naamuan pay ti BFP a sumagmamani a metro laeng ti kaadayo ti pagtaengan nii Joan Tadeo rason a nairamram a nauram.
Inbunannag ni Gudoy nga alaen da ti bote a nagyanan ti gasolina tapno maipatulod tii regional office para ti eksaminasyon.
Kabayatanna, inpakaammo ni Police Corporal Mark Gllen Ramos, iti PNP Pasuquin, a desidido nga agpila ti kaso ti mismo nga asawa ni Mike Angelo Tabigne, ti agassawa a Tadeo, ti maysa pay a karruba na a nairaman ti paset ti pagtaengan na.
Segun kenni Ramos, naglaok a pungtot ken ti panagselos ni Tabigne ti nangitunda iti panagapa da nga agassawa.
Daytoy ket gapu ta nabannog a naggapu iti maysa a pasken dagti nagannak kenkuana.
Napasamak ti maipagarup a panagselos ni Tabigne iti kallabes.
Inlawlawag ni Ramos a saan a nausar ti nakabote a gasolina ngem ketdi pinuuran ni Tabigne usar ti posporo dagiti arwaten.
Kamaudian na inlawlawag ni Mrs. Joan Tadeo, nga inranta a pinuuran ni Tabigne ti pagtaengan da kalpasan a nangeg na nga inpangta na kontra iti asawa na.
Saan met a namnamaen ni Tadeo a napasamak daytoy ken awan iti anyaman a naisalbar na a banag iti uneg ti pagtaengan da a nairamraman a dimmapo.
Innayon na a masansan nga agapa dagiti agassawa .
Naamuan ti Bombo Radyo nga agbabbabawi ti suspek iti inaramid na.
