LAOAG CITY – Kinumpirmaran ti Mariano Marcos Memorial Hospital and Medical Center iti siudad ti Batac a naimbagen dagiti dua a pasyente nga immunan a nagpositibo ti coronavirus disease wenno COVID-19.
Basar iti statement ti hospital, nakarwaren dagiti dua a pasyente gapu ta asymptomatic dagitoy.
Segun ti MMMH & MC, namindua a daras a nagnegatibo dagiti dua a pasyente iti resulta ti test nga inparuk-at ti Baguio General Hospital and Medical Center.
Inpakaammo ni Dr. Marie Joyce Urnos-Santos, ti Infectious Disease Specialist iti nasao nga ospital, nasken nga agtalinaed dagiti dua a pasyente iti pagtaengan da iti las-od ti 14 nga aldaw kalpasan a rimwar da iti ospital.
Liklikan da ti makipagpaset kadagiti aktibidades iti pampubliko a lugar, ken nasken a kanayun da a nakasuot ti face mask bayat nga adda da iti uneg ti pagtaengan.
Kabayatanna, iti live video, naragsakan dagiti nurse ken doctor iti ospital gapu ti panagimbag dagiti dua a pasyente.
Immunan a kinmpirmaran ti MMMH&MC idi Marsco 31, ti panagpositibo dagiti dua a pasyente iti COVID-19 kalpasan a rimwar ti resulta ti test manipud iti Research Institute for Tropical Medicine (RITM).
